Nyang dipanggil, tetep anteng main layangan.
Jamile jadi gemes, lalu disamperin deh tuh anak. Kuping Jupri pun jadi korban... alias dijewer.
”Loe tuh, suse banget dibilangin ame orangtue ye… ayo pulang!, bentak Jamile, setengah menyeret anaknye pulang.
Sambil meringis kesakitan Jupri akhirnye ikut ema’nye pulang.
Setelah mandi terus bebaju, besarung, bekoko ame bekupluk, Jupri pun salim terus pamit ke ema’ ame babenye.
Bubar shalat Maghrib, die langsung ngikutin pengajian anak-anak di teras depan Langgar.
Tapi dasar Jupri, bukannye nyimak pelajaran… eh die malahan asyik, ngejailin temen-temennye.
Nah, nyang parahnye, saban evaluasi pelajaran, sama praktek shalat, die kaga’ pernah ngikutin, Berbagai macem alasan dah, die sampein, kaya’; sakit gigi lah, sakit perut lah, sakit kantong lah... poko’nye ade aje sakit-sakit nyang laen, nyang selalu bikin Ustadz kaga’ bise berbuat banyak, selain ngemaklumin bae.
Begitulah kelakuan Jupri nyang bukan main badungnye.
Beranjak dewase, Jupri nyang asli orang Betawi Kemayoran, nyang punye ijazah STM jurusan mesin, ketrima jadi karyawan sebuah bengkel Cina, deket Pasar Senen.
Dasar mujur, sejak die kerje dibengkel ntu… pelanggannye meningkat, terus usahe si Cina jadi maju pesat. Jupri pun disayang ame majikannye, gajinye pun bertambah… dan bertambah terus.
Ampe akhirnye Jupri minta ijin untuk buke bengkel ndiri.
Di bulan Maulud, Jupri nyang mulai sukses, mempersunting Rogaye, perawan Betawi asli Prumpung. Die dikasih 5 orang anak, dua perempuan ame tige laki-laki.
Jelang masa tuenye, die punye cucu 11 orang.
Suatu Maghrib, cucu tertuenye nyang laki, Ali, nyamperin Engkongnye, “Kong, jadi imam shalat Maghrib ye”.
“Ude loe aje, cu’ ”, kate Jupri menghindar. ”Kong, belum abis nih cape’nye, pan loe tau kalu Kong baru pulang dari bengkel.”
Itulah Jupri, saban ade nyang nawarin jadi imam, dengan berbagai alasan pasti aje ditolaknye.
Sampe akhirnye, Ali curige sekaligus penasaran, “Nape ye Engkong, asal diminte jadi imam, pasti aje nolak. Kaya’nye ane kudu nanyain serius nih”.
Suatu sore, selesai shalat Ashar...
“Kong, ma’ap nih ane mo nanya, tapi Kong kaga’ boleh mare ye?”, kate Ali memulai.
“Mo nanya apa’an sih loe, li”, Jupri balik nanya.
“Nape Kong saban diminta mimpin shalat, nolak bae. Ade aje alasan Kong buat ngindar”, tanya Ali.
“Kong mo jawab, asal loe bise nyimpen perkara ini ndiri, jangan ade nyang boleh tau. Ngarti loe, li?”, kata Jupri dengan muke serius.
”Iye, ane janji, kaga’ bakalan ade nyang tau cerite ini, Kong”, sambut Ali, menyimak.
”Kong sebenernye nyesel banget, li, kalu loe tau”, kata Jupri memulai kisahnye. ”Kong ini, waktu mudenye, kaga’ perne belajar praktek solat nyang bener. Maksudnye, gerakannye Kong paham, tapi bacaan-bacaan didalamnye Kong kaga’ bise.”
”Tapikan Kong rajin solat, baik di Langgar maupun ndiri. Iye, kan?”, tanya Ali sambil mengernyitkan dahinye. ”Terus bacaan ape nyang Kong baca, kalu lagi solat ntu?”
”Ya... Kong kadang baca, seringnye mah Kong diem. Poko’nye gerakan aje nyang Kong apal”, jawab Jupri, sambil menunduk malu.
”Baca ape, Kong?”, tanya Ali, ingin tahu.
”Ya... baca niat awal solat lah, ntu aje pake’ bahasa Indonesie, trus Allaahu Akbar, ame Assalamua’alaikum warrahmatullaahi wabaarokatuh, segitu aje, li”, jawab Jupri jujur.
”Mangnye, Kong ampe sekarang ini, kagak perne mo tau atowe cari tau, pegimane care buat benerin solat ame bacaan ntu?”, tanya Ali, masih penasaran.
”Ade sih di hati Kong buat nanya ame Ulama. Tapi Kong malu, li”, jawab Jupri, dengen mate berkaca-kace. ”Masa’, Kong nyang rajin solat di Langgar, ketahuan ame orang lain, ternyate kaga’ bise bacaan solat.”
”Kalu ane bantu biar Kong jadi paham solat ame bacaannye, ape Kong mau?”, tanya Ali.
”Mau... mau, li”, jawab Jupri penuh semangat. ”Kaga’ percume, ema’ ame babe loe nyekolain loe ke pesantren Tebu Ireng nyang jauh di Jombang sono. Ajarin Kong loe nyang bodoh ini biar mahfum ye, li.”
Sahabat,
Bisa jadi kisah diatas, juga terjadi pada qt atau mereka yang qt kasihi.
Karena kekhilafan masa muda, membuat qt terlanjur malu untuk memperbaiki ibadah.
Walau ketakwaan qt boleh diacungi jempol, namun kwalitas diri sungguh memprihatinkan.
Marilah terus meningkatkan kwalitas ibadah, tanpa harus dihinggapi rasa malu.
Karena Allah Ta’aalaa menyenangi hamba-Nya yang senantiasa ber-istiqamah dalam ber-muhasabah (memperbaiki diri dalam beribadah).
"Niscaya Allah akan meninggikan orang-orang yang beriman
di antara kalian dan orang-orang yang diberi ilmu beberapa derajat."
(Al-Mujaadilah [58]: 11)
Tidak ada komentar:
Posting Komentar